engelska request for "Maikada"

Help translate from urdu to engelska song Maikada by Muhammad Samie

Requested by:

yacinka on 11 jan 2022 - 14:28

Prenumerera

Originaltext

urdu

Översättning

engelska

Maikada

Yeh hai maikada yahan rind hain

Yahan sabka saaqi imaam hai

Yeh haram nahin hai ey shaikh ji

Yahan paarsaai haraam hai

Yeh hai maikada, yeh hai maikada

Jo zara si pi ke behek gaya

Usse maikade se nikaal do

Yahan kam nazar ka guzar nahin

Yahan ehl-e-zarf ka kaam hai

Yeh hai maikada, yeh hai maikada

Yeh janaab-e-shaikh ka falsafa

Jo samajh mein meri na aa saka

Jo wahan piyo toh halaal hai

Jo yahan piyo toh haraam hai

Yeh hai maikada, yeh hai maikada

Koi baada kash koi tishna lab

Toh kisi ke haath mein jaam hai

Ab ismein koi kahe ga kya

Yeh toh maikade ka nizaam hai

Yeh hai maikada, yeh hai maikada

Kuch soch ke shama pe parwaana jalaa hoga

Shayad issi jalne mein jeene ka mazaa hoga

Jis waqt yeh mai tuney botal mein bhari hogi

Saaqi tera masti se kya haal hua hoga

Maikhaane se masjid tak paaye gaye naqsh-e-paa

Ya rind gaye honge ya shaikh gaya hoga

Sab se buland hai mere saaqi tera muqaam

Leta nahin beghair wuzu tera koi naam

Insaan toh kya farishte bhi karte hain ehtaraam

Hain maah o aaftaab tere maikade ke jaam

Qaim muqaam hai tu risaalat ma'ab (SAW) ka

Qindeel-e-arsh hai tera sheesha sharaab ka

Saaqi datti hui hai kharaabaatiyon ki saf

Phaila hua hai abr-e-gauharbaar har taraf

Botal ka kaak khol utha kaif baar-e-daf

Laa baada-e-medina o paimaana-e-najaf

Tatheer ki rida hai falak par tani hui

De daaman-e-Rasool-e-Khudaa (SAW) mein chhani hui

Khursheed-e-mudda mera burj-e-sharaf mein hai

Ik saaqi karbala mein mera ik najaf mein hai

Le woh najaf ki simt se aane lagi sada

Saaqi mera salaam-e-adab leke main chala

Maula-e-kainaat aur awaaz de mujhe

Ey Jibraail quwwat-e-parwaaz de mujhe

Logga in eller registrera dig för att lägga ut en översättning

Song details

Help to translate

urdu → engelska