Italiaans request for "Amors e jois e luecs e temps"

Help translate from Occitaans to Italiaans song Amors e jois e luecs e temps by Arnaut Daniel

Requested by:

doctorJoJo on 18 sep 2023 - 12:55

Submitter's comments:

Traduzione fedele al senso originale del testo in equiritmica, misurata o metrica, rimata, cantabile.

teken in

Originele teksten

Occitaans

Vertaling

Italiaans

Amors e jois e luecs e temps

Amors e jois e luecs e temps

mi fan tornar lo sen en derc

d'aquel joi qu'avia l'autr'an

quan chassava lebr'ab lo bou:

ara'm va meils d'Amor e pieis,

car ben am, d'aizo'm clam astrucs;

ma Non-Amatz ai nom anquers

s'Amors no venz son dur cor e'l mieus precs.

Cel que totz bes pert a ensems,

mestiers l'es qe ric seignor cerc

per restaurar la perd'e'l dan,

qe'l paubres no'il valri'un ou:

per zo m'ai eu chauzit en leis

don non aic lo cor ni'ls oils clucs,

e pliu't, Amors, si la'm conqers,

trevas tostemps ab totas fors dels decs.

Pauc pot hom valer de joi sems;

per me'l sai que l'ai agut berc,

car per un sobrefais d'afan

don la dolor del cor non mou

-e s'ab joi l'ira no'm foreis...-

tost m'auran mei paren faducs;

pero tal a mon cor convers

q'en lais amar volgra morir senecs.

Non sai om tan si'en Dieu frems,

ermita ni monge ni clerc,

com ieu sui seleis de cui chan,

e er proat anz de l'annou;

liges sui seus meilz qe demeis,

si'm for'eu si fos reis o ducs:

tant es en lieis mos cors esmers

qe s'autra'n voil ni'n deing donc si'eu secs.

D'aizo c'ai tant duptat e crems

creis ades e meillur e'm derc,

que's reproers c'auzi antan

me dis que tan trona tro plou;

e s'ieu mi pec cinc anz o seis,

ben leu, can sera blancs mos sucs,

jauzirai zo per qu'er sui sers,

c'aman preian s'afranca cor ufecs.

De luencs suspirs e de grieus gems

mi pot trar cella cui m'aerc

c'ades ol per un bel semblan

n'ai mogut mon chantar tut nou.

Contramon vauc e no m'escreis,

car gent mi fai cujar mos cucs.

Cor, vai sus! ben fas si't suffers:

sec tant q'en leis c'as encubit no't pecs.

Ans er plus vils aurs non es fers

c'Arnautz desam leis ont es fermanz necs.

Login of registreer om een vertaling te plaatsen.

Song details

submitted on 31 aug 2016 - 10:53

Vertalingen

Engels

Help to translate

Occitaans → Italiaans