✕
Album:
Amsicora
Amsicora
S’istòria iscrita dae sos binchidores
Non podet mai contare cosas zustas
At postu a banda sardos gherradores
Chi de èsser eroes an dau sa mustra
Sos bentos de levante sun boliande
Isetan su sinzale
Gherreri corazosu e atriviu
De sos sardos pellitas cumandante
Contra sos romanos accaniu
Ca fin in terra nostra dominande
Sos bentos de levante sun boliande
Sun isetande a tibe
Paràgulas sentias e versos tostos
Non poden cantzellare sa memòria
Pro ammentare peri a fizos nostros
Chi su Pòpulu Sardu at un’istòria
Sos bentos de levante sun boliande
Isetan su sinzale
E si amus pérdiu una batàglia
Semus galu in custa nostra terra
Non semus in chirca de medàglias
Cherimus solu bìnchere sa gherra
Sos bentos de levante sun boliande
Sos bentos de levante sun boliande
In Cornus an acatau sa morte
Josto e Amsicora chin gloria
Pro issos terra amada e malasorte
Los at cunsacraos a sa memòria
Sos bentos de levante sun boliande
Sos bentos de levante sun boliande
Song details
site activity
Nuovo commento
