الإنكليزية request for "De Fisker"

Help translate from فريزية to الإنكليزية song De Fisker by Nanne & Ankie

Requested by:

Vasha on 17 أكتوبر 2025 - 01:58

اشترك

كلمات أصلية

فريزية

الترجمة

الإنكليزية

De Fisker

In fisker bin 'k, nei wûnders op 'e fang

Ik set myn net yn frij en ôfhierd wetter:

Dit boat is mines mar in deiskoft lang

Rju helle ik op, mar hoopje op mear en better—

In fisker bin 'k, nei wûnders op 'e fang

De leafde mei syn neatbihâldend jaan

De freonskip mei syn nommele wjerhâlden

En eagen fang ik, stjerren yn har baan

En lit se ljochtsje as nij ûntdutsen wrâlden—

En djip ferstean yn neatbihâldend jaan

De skientme dy't yn siele en lichem is;

Gods byld, dat yn syn kleare spegels ljochtet;

Stream fan genede, dy't troch wyldernis

En heidegrûn syn seine wyn en bochtet—

De skientme dy't yn siele en lichem is

Dit boat is mines mar in deiskoft lang

En foar de jûn rint it allicht te pletter—

Nei skientme, leafde en freonskip op 'e fang

Skôgje ik de loft; it wurdt allinken letter:

Dit boat is mines mar in deiskoft lang

In fisker bin 'k, nei wûnders op 'e fang

Login or register to post translation

Song details

submitted on 16 أكتوبر 2025 - 22:54

تعليقات الناشر:

Words: Fedde Schürer; music: Nanne Kalma

Help to translate

فريزية ← الإنكليزية