عارف

Arabic text:

عارف؟
وانت مش معايا
ما بقتش حاجة تفرحني
مابقتش حاجة تريحني

بقي كل شئ بيجرحني
ومعاك دوايا
عارف؟

تملي قلبي بيسالني
والذكري بعدك تالمني
ارجع لقلبي وطمني
ارجوك كفاية

وانت مش معايا
شفايفي نسيت ضحكتي
وعنيا عشقت دمعتي
انت حياتي ودنيتي
وفرحي وهنايا

الحياة ما بقتش هيا
والجراح بتهد فيا
ياحبيبي حس بيا
واسمع ندايا
عارف؟

من يوم ما قلبك ودعني
الفرح بعدك ودعني
ارحم دموعي ورجعني
محتاجلك ويايا ...
عارف؟

الكلام ضاعت حلاوته
والزمان زادت قساوته
نبض قلبي الي انت فايته
عايزك معايا

الحنان منك واحشني
وانت ليه عنك حايشني
مستحيل تقدر تحوشني
عن هوايا وانت مش معايا

روحي حالفة لا يوم تسبني
والحنين تاعبه و تاعبني
لو صحيح زعلان عاتبني
قبل النهاية

قد ايه بعدك المني
وانت من عطفك حارمني
مستحيل تفضل ظالمني
وتضيع الحكاية
عارف؟

كل حلم معاك رسمته
كل فرح معاك قسمته
حتي قلبك لو سالته
حيقولك كفاية